Ekonomia Sozial eta Solidarioa berriz elkartuko da IDEARIAren edizio berri batean. Bi urtez behin, ekonomia solidarioko enpresen, kolektiboen, mugimendu sozialen eta kontsumitzaileen artean sinergiak sortzeko funtsezko topaketa bilakatu da Idearia.

Ekonomia Solidarioaren Gutunaren sei printzipioei jarraiki, aurreko edizioetan ekitatea, jasangarritasuna, lankidetza eta lan duina izan dira eztabaidagai. XVII. edizio honetan aberastasunaren banaketa justua izango dugu ardatz.

Ekonomia Solidarioan aberastasuna komunitate batek epe labur, ertain eta luzean bere kideen beharrei erantzuteko duen gaitasuna baldintzatzen duten elementu material, sozial, kultural eta naturalen multzoa dela ulertzen dugu. Horrela, bidezko sorkuntza, banaketa eta kontserbazioa bizitzaren erreprodukziorako eta iraunkortasunerako beharrezko estrategia kolektibo bihurtzen da. Horrek esan nahi du diruaren erabilera eta balioa zentzuberritu behar direla oinarri komunitarioko ekonomia erreal baterako tresna izateko. Honek, gizarte ekitatibo, inklusibo eta autonomoak eraikitzeko aukera emango digu.

Maiatzaren 8tik 10era, Iruñera etorri eta Ekonomia Solidarioko gainerako pertsona eta entitateekin batera topaketa berri honetaz gozatzera gonbidatzen zaituztegu.

Laster zabalduko dugu programa eta aisialdirako eskaintzari buruzko informazio gehiago, baina garraioa eta ostatua ahalik eta azkarren erreserbatzea gomendatzen dizuegu.