Bilboko Eleizbarrutiko Karidade eta Zuzentasunerako Ordezkaritza, Misioak eta Bilboko Elizbarrutiko Caritasen agiria.

Martxoaren 3an ospatuko da Bilboko Guggenheim Museoan Espainia Foro Globala 2014: egonkortasunetik hazkundera dalakoa Espainiako Gobernuak antolatuta eta bertan batuko dira politika nazional eta internazionaleko eta enpresa-munduko persona ospetsuak.

AON, BBVA, COFIDES eta DEUTSCHE BANK erakundeek babesten daben topaketa honetan 2014ko Europako eta munduko ekonomiaren giltzen inguruan eztabaidan jardungo dabe.

Partaideen artean, faltan botaten doguz gure herrialdeko hainbeste eta hainbeste langabeturen, desjaubetutako familiaren, behin-behineko lana daukien gazte eta emakumezkoen, pobretasunaren marra gainditu daben familien ahotsa zabalduko leukien beste agente sozial batzuk.

Kristinau alkarte garanez, nahitaez gogoratu behar deutsegu partaideei indarrean dagozan politika ekonomikoek langabezia, pobretasuna, gizarte bazterketa eta gizarte eskubideen murrizketa eragin deutsezala milioika herritarri Espainian eta Europan.

Pobretasuna eta desbardintasuna maila kezkagarrietaraino gehitu dala ohartarazoten dabe Caritasek eta beste erakunde batzuek. Bere salaketak kontuan hartu beharko litzatekez goi-bilera honek babestu nahi dituan neurrien gizarte eraginkortasuna baloratzerakoan.

Herritar eta kristinau lez, derrigorrez eskatu behar dogu hartu daitekezan erabagietan gizakiak berak eta bere eskubideek lehentasuna izan daiela, beti Guztion Ongizateari begira egon behar daben beste interes ekonomiko edo politiko batzuen aurretik.

Guri ez jagoku gaurko munduaren erronkei aurre egiteko proposamen zehatzik eskaintzea baina bai exijitu behar dogula gizakiaren esanetara dagoan ekonomia,gotzainek 2011ko Garizuma aldirako Pastoral Idazkian egin eben lez.

Frantzisko aita santuagaz bat egingo dogu otoitzean eta gizarteak, herriak, behartsuen bizitzak benetan min emoten deutsan politiko gehiago emoteko (‘Evangelii Gaudium’ 205) eskatuko deutsagu Jaunari.