Modu horretan kontsumo arduratsua eta feministaren eta ekonomia sozial eta solidarioaren proposamenetan interesatuta dagoen edozein pertsona edo erakundeari parte hartzeko bidea erraztuko diote. Euren xedea hiru botereak – norbanakoa, kolektiboa eta publikoa – eraldatzera datozen proposamenak elkartzea eta aberastea izango da.

2017 urtean abiatu zuten lehenengo aldiz kongresua. Bertan egon al zinen? Oraingo honetan lau ardatz jorratuko dituzte:

• Ereduak krisialdian (COVID19) eta alternatibak bazterketaren triadari: neoliberalismoa, etnozentrismoa eta heteroaraua
• Erakundeen barne errebisioa eta antolakundeko kultura aldaketa
• Indarkeria matxistak eta kontsumoa
• Sexu eta genero aniztasunaren eta dekolonialitatea/antiarrazakeriaren ikuspegiak

Beraz, azpimarratu eta erreserba itzazu datak, eta edozein zalantza edo ekarpen izanez gero jarri harremanetan kongresua@setem.org helbidearen bidez. Laster zehaztasun gehiago ekarriko dituzte. Zuzen jaso nahi baldin badituzu eman izena euren buletinean edo jarraitu euren sare sozialak.