“Gizarte- eta komunitate-ekonomiaren erronkak”

2019ko martxoan Quiton (Ekuador) egindako “Gizarte eta Komunitate Ekonomiaren erronkak” nazioarteko mintegiaren emaitza den argitalpen bat aurkezten dizuegu. Mintegi hori Ekuadorreko unibertsitate zentraleko ekonomia solidario eta popularrari buruzko ikerketa-taldeak antolatu zuen, eta REAS Euskadik parte hartu zuen.

Mintegiak iraun zuen hiru egunetan aurkeztu ziren ponentziak biltzen ditu argitalpen honek. Horien artean, REAS Euskadiko Zaloa Pérez Hernandorenaren “Ekonomia soziala eta solidarioa izango da soilik feminista bada” artikulua dago. Bertan, besteak beste, ekonomia feministaren ikuspegia ekonomia solidarioaren diskurtsoan eta praktikan txertatzeko erronkak jorratzen dira.