Ostegun honetan, azaroaren 1ean, inauguratuko da Mugarik Gabeko Ekonomialariak taldeak Bilboko metroan jarriko duen erakusketa, “Neurriak hartzen baditugu? – ¿y si tomamos medidas?” izenekoa. Horren bidez, eredu ekonomiko zuzenagoa jarri nahi dute ikusgai, pertsonak eta planeta ardatz dituena. Horretarako, argibide-panelak jarriko dituzte, gai hauei buruzkoak, besteak beste: giza eskubideak enpresa-jardunean, desberdinkeria eta ingurumen-iraunkortasuna.

Erakusketa ia bi hilabetez egongo da ikusgai. Azaroaren 1etik 30era bitartean Urkixo metro-irteeran egongo da (Indautxun), eta abenduaren 1etik 28ra San Nikolas metro-irteeran (Zazpikaleak). Gainera, erakusketak QR kodea ere izango du eta horri esker panelak online ikusteko aukera egongo da. Kodea erakusketako lehen panelean aurkituko duzue.

Bi hilabete hauetan, goazen denok metrora, erakusketa ikustera!