A primeira versión desta Carta de principios foi elaborada no ano 1995 e foi revisada posteriormente en 2000 e 2011. En 2022, presentamos unha actualización dos seus contidos, consonte os cambios que se foron producindo nos contextos tanto locais como globais, no eido das alternativas económicas transformadoras e no propio movemento da Economía Solidaria.

Neste sentido, cómpre destacar a incorporación dunha ollada máis feminista e ecoloxista, xa que afrontamos unha conxuntura planetaria na que a resposta ás urxencias e aos retos ecosociais se converteu nunha prioridade para a propia sustentabilidade da vida.

Como se desprende deste documento, a Economía Solidaria, sendo ademais unha corrente dentro da Economía Social, é unha visión e unha práctica que coloca os procesos de sostemento da vida no centro da actividade socioeconómica, polo que sitúa as persoas, comunidades, pobos, culturas, contorna ambiental e bens comúns por riba do capital e da súa acumulación.

As propostas da Economía Solidaria afrontan o desenvolvemento dunha economía capitalista, financiarizada e afastada da economía real, centrada no crecemento ilimitado da produción e o consumo á marxe dos seus efectos sociais e ambientais, y que cuyo único objetivo es el ánimo de lucro y la maximización de beneficios, lo que produce expresiones de precariedad, pobreza y desigualdad insostenibles.

Trátase dun sistema non só económico, senón sociopolítico e cultural, no que a identidade masculina, heterosexual, branca, normativa, adultocéntrica e urbanita sostén privilexios sobre outras identidades e orientacións sexuais e de xénero, dando lugar a relacións de desigualdade e exclusión.

Un sistema, ademais, ecocida, que non atende ao feito de que o planeta excedera os seus límites biofísicos. A destrución de ecosistemas, o aumento da pegada ecolóxica, o quecemento global ou a perda de biodiversidade son algúns dos efectos dun modelo que pon en cuestión a propia sustentabilidade da vida e, daquela, compromete a existencia das xeracións futuras.

A Carta da Economía Solidaria tamén persegue que calquera persoa, colectivo, empresa ou institución pública, non soamente coñeza os valores que promove o movemento da Economía Solidaria, senón que os incorpore á súa actividade social e económica como considere máis oportuno, dentro das súas posibilidades e no marco da súa propia identidade, contribuíndo así á xeración de espazos e relacións socioeconómicas máis plurais e diversas que afronten os retos ecosociais que o noso futuro presenta.