Encontro sectorial: Consumir local de costas aos oligopolios

O vindeiro día 11 de novembro, de 10 a 11 horas, REAS Galicia celebrará o seu segundo encontro sectorial titulado “Consumir local de costas aos oligopolios”. Será unha nova ocasión para comprobar que existen alternativas dentro da economía alternativa, en concreto en sectores como a enerxía, as telecomunicacións e as finanzas.

No encontro van participar representantes e persoas socias de Nosa Enerxía, AIS O Peto, Coop57, Fiare e Somos Conexión. Gravarémolo e publicarémolo ao día seguinte na nosa páxina de Facebook. Convidámoste a velo e a axudarnos a consolidar o Mercado Social en Galicia.