GIZARTE-KOOP, Gizarte-Ekimeneko Ekonomia Jardunaldia (Bilbo)

Urriaren 9an, FOROKOOP-en VII. Jardunaldia egingo da, “GIZARTE-KOOP, Gizarte-Ekimeneko Ekonomia” izenburupean. EKGK – Euskadiko Kooperatiben Goren Kontseiluak eta KONFEKOOP–Euskadiko Kooperatiben Konfederazioak antolatutako  jardunaldia da eta aurten REAS Euskadiren laguntza edukiko du. 

Jarraian zehazten den programa parte hartzeko eredu arin batean oinarrituta dago. Horretarako, parte-hartzeko dinamikaz gain, eztabaida bat egingo da, 5 esperientzia aurkeztu eta bertaratutako guztien artean eztabaidatzeko. Jardunaldiari amaiera emateko, Kataluniako Lan Elkartuko Kooperatiben Federazioak eta Elkar-Lan Koop.E.k hitza hartuko dute.

Hona hemen jardunaldian aztertu nahi diren alderdiak: 

• Sektoreko hainbat erakunde Gizarte Ekimeneko kooperatibak sortzera edo kooperatiba bihurtzera bultzatu dituzten gakoak.
  
• Hirugarren Sektoreko erakundeen eta Gizarte Ekimeneko kooperatibismoaren arteko lankidetza-jarrera eta sinergien sorrera. Gaur egungo agertokian eta etorkizun oparoan, posizionamendua eta lankidetza hobetzeko aukera eskaintzen duten bi esparru horien osagai komunak aztertuko dira.