“Pertsonen zerbitzurako ekonomia baten alde” online ikastaroa

Urtero data hauetan egin ohi dugun bezala, Mugarik Gabeko Ekonomialariak elkarteak eta UNED erakundeak elkarlanean “Pertsonen zerbitzurako ekonomia baten alde” ikastaroa antolatu dugu online.

Aurten, urriaren 6tik 22ra izango da. Ikastaroa amaitzean 2 ECTS kreditu eta aukera askeko 4 kreditu ematea aurreikusi da, unibertsitateko guztietarako. Aurreko urteetan bezala, doakoa da, online egingo da −UNEDen plataformaren bidez− eta Mugarik gabeko Ekonomialariak elkarteak kudeatuko du.  

Ikastaro honen bidez, zenbait elementu jarri nahi dira ikasleen eskura, egungo ekonomia-eredua aztertu eta horri buruz hausnartu dezaten, eta horrez gain, proposamenak egin nahi dira, justizian eta solidaritatean oinarritutako ekonomia berri bati laguntzeko.

Ikastaroaren edukiak ikuspegi horren araberakoak dira, eta gainera, “Bidezko ekonomia baten printzipioak” ikastaroaren aurreko edizioetan landutako edukietan sakondu nahi da, justizia globalerako tresna bihur daitekeen ekonomia-eredu baten aldeko ekimenak eraikitzen jarraitzeko.

Zehazki, lau modulu hauetan egituratu da ikastaroa:

1. Botere-egiturak eta eraldaketa-dinamikak garapen globalerako 2030 Agenda berriaren erronken aurrean, eta garapen iraunkorrerako 17 helburuak.

2. Finantzak noren zerbitzura: merkatuen zerbitzura ala pertsonen zerbitzura?

3. Ekonomia feminista: bizitzaren iraunkortasunaren aldeko apustua.

4. Ekonomia soziala eta solidarioa: ekonomia-sare horizontalak, parte-hartzaileak eta demokratikoak eraikiz.

Informazio gehiago lortzeko, eta online matrikulatzeko, sakatu hemen.