Parte hartuko duten kideengan trantsizio ekologikoaren inguruko sentsibilizazioa eta kontzientziazioa eta ekintzarako konpromiso zehatza sortzen bilatuko da.

Eusko Ikaskuntzak, IHOBErekin lankidetza estuan, proiektu pilotu hau abiaraziko du, erabiltzaile-esperientzia baten garapenean eta trantsizio-agenda baten definizioan oinarrituta.

Ekintza pilotua: Hiritarrak Trantsizioan, trantsizio ekologikoari buruzko pertzepzio soziala aldatzeko prozesu bat egituratzen du. Ekintza pilotuaren helburuko populazioa familiak dira, hau da, hainbat belaunaldik bat egiten duten gizarte-eremua, eta uraren gaineko erabileran praktika mota ezberdinak egituratzen dituztenak.

Horrez gain, trantsizio agendak diseinatzeko gune bat eskaintzen du. Hau da, aldaketaren agenda, familiek trantsizio ekologikoaren prozesuan lagun dezaten. Aldaketaren gizarte-erantzukizunaren pertzepzioa aldatzea bilatzen duen esperientzia bat da: enpresek eta gobernuek bere praktikak eta politikak aldatu ez ezik, hiritarrek eta familiek ere aldatu beharko dituzte.

Horretarako, tailer dinamiko eta esperimentalak antolatu dira, eta Gernika-Lumoko eta Gasteizko familia boluntarioen kopuru mugatu, baina esanguratsu, batek parte hartuko du.

Ura ardatz hartuta, “ego-zentrikoak” izatetik “eko-zentrikoak” izatera pasatuko gara, kontsumo arduratsurako modu berriak ezagutarazi eta bultzatuz eta mugatuak diren baliabideak zentzuz erabiltzeko tresnak emanez.

Laster, hurrengo hitzorduen berri emango dugu.