Goiener Taldean martxan jarri duten ekimen berri bat aurkeztu nahi dizuegu. Goiener Sarea da, kooperatibaren negozioen eta bazkide diren erakundeen oinarrizko informazioa biltzen duen mapa.

Mapa Goiener-en orri nagusian egongo da, kooperatibako bazkide guztiok jakin dezagun nortzuk osatzen dugun familia polit hau. Azken finean, masa sozialari ikusgarritasuna ematea da bere helburua, denen artean sare sendo bat sortuz. Batera, indartsuagoak garelako.

Ez dira gutxi jada ekimenarekin bat egin duten negozio eta erakundeak. Beraz, zuk ere negozio bat baduzu eta mapan agertzea nahi baduzu, idatz iezaiezu jakinarazpenak@goiener.eus helbidera, eta azalduko dizute zer egin behar duzun ekimen honen parte izateko.

Eta ez ahaztu ekimena zure jendearen artean ezagutzera ematen, denon artean sarea are indartsuago egingo dugu. Gainera, datozen asteetan hainbat erakunde eta negozio aurkeztuko dituzte sare sozialetan #GoienerSarea traolarekin, adi egon!

Animatu Goiener Sarearen parte izatera!