Abenduaren 16 eta 17an REAS Euskadik Bartzelonan aseguru etiko eta solidarioaren sustapenerako sarearen topaketan parte hartu zuen Kanariar Irletako, Aragoiko, Galizako, Nafarroako, Valentziako eta Katalunyako sareetako eta Fiare eta Coop57 erakundeetako ordezkariekin batera. Aseguru etiko eta solidarioak ziurtatzen dituen Ethsi zigiluaren ezarpenaren prozesua ebaluatzeko, garatzeko aukera desberdinak eta erakundeen hitzarmen motak aurkezteko eta Arç Kooperatibak eskuragarri dituen produktuak ezagutzeko balio izan zuen topaketak.

Zentzu horretan, REAS Euskadik aseguru horien jakinarazte sarea izateko konpromisoa hartzen du. Horrek Euskadin aseguruak ezagutzera ematea eta produktuak lortu nahi dituzten erakunde eta pertsonendako bitartekari lanak egitea suposatzen du.

Bestalde, topaketaren bigarren zatiak REAS sareen sarean lanean diharduen Merkatu Sozialaren Batzordea elkartzeko balio izan zuen. Bertan kontsumo arduratsuaren inguruko web gune tematiko bat sortzeko lan-proposamenaren inguruan aurrera egiteko aprobetxatu zen. Web-guneak herritarren sentsibilizaziorako baliabideak edukitzeaz gain, zeharkako produktuak (finantza etikoak, aseguruak…) dituen merkatu soziala eta tokian tokiko merkatuak bultzatuko ditu.

Joan den azaroaren 6an Bilbon antolatutako «Ekonomia solidarioaren merkatu alternatibo bat sortzen» mintegiarekin (deialdira eta dokumentaziora loturak), REAS Euskadik 2010ean bultzada garrantzitsu bat eman nahi dio merkatu sozialaren ezarpen eta garapenari gure erkidegoan.