Irailaren 9 eta 10ean, Bartzelonan, REAS Euskadiko kide diren Josetxu González eta Carlos Askunzek, REAS Sareen Sareko ordezkari legez RIPESS EU – Solidarity Economy Europe-en sorrera batzarrean parte hartu zuten, «Red Intercontinental de Promoción de la Economía Social y Solidaria»-ren europar nodoan hain zuzen ere.

Europar sare honen eraketa prozesua, 2009ko apirilaren 22tik 25era ospatutako IV. «Solidaritatea globalizatu» foroarekin hasi zen, RIPESSek antolatutakoa eta REAS Euskadiko ordezkaritza eduki zuena.

Prozesu hori, 20 estatu, lurralde eta sektore-sare baino gehiagoren partaidetzarekin bukatu egin da, zeinek formalki RIPESS sare europarra eratu dute. Eraketa batzarrean, estutuak, eraketa manifestua eta koordinazio kontseiluaren konposaketa onartzeaz gain, 100 pertsona baino gehiagok, esperientziak konpartitu eta sareak bultzatu nahi dituen gaien inguruko hainbat tailerretan parte hartzeko aukera izan zuten.

Azpimarratzekoa da, REAS Sareen Sarea, irailaren 8an «Begira eta nahas zaitez, jadanik kolektiboki beste eredu ekonomiko bat eratzen ari da» jardunaldia antolatu zuela, zeinetan ekonomia solidarioaren taldekako praktika onen lau bideoklip aurkeztu ziren.

Informazio gehiago:

• RIPESS Europaren web orrialdea.
  
• RIPESS Europako eraketa batzarra Ekonomia Solidarioaren Atarian.
  
• RIPESS Europako eraketa manifestua.
  
• Batzarraren amaierari buruzko berria Ekonomia Solidarioaren Atarian.